Kan langtidsoppgåver vere eit godt alternativ til eksamen?
I 2024 skal over 100 vidaregåande skular prøve ut langtidsoppgåve som ein del av undervisninga. Ei forskingsgruppe frå Institutt for lærarutdanning ved NTNU skal følgje tett med på utprøvinga for å vurdere om langtidsoppgåver kan vere eit godt alternativ eller supplement til eksamen.
![05-27-2016_5880 Eksamen i gymsal på vgs](https://skrivesenteret.no/wp-content/uploads/2021/02/05-27-2016_5880.jpg)
Utprøving av langtidsoppgåver er ein del av eit større arbeid Udir skal gjennomføre på vurderingsfeltet. Les meir hos Udir. Eit viktig spørsmål i utprøvinga er om langtidsoppgåvene kan gi elevane større høve til å vise kompetansen sin i tråd med LK 20 enn i ein tradisjonell eksamen.
Langtidsoppgåver blir i første omgang prøvd ut i tre fag: Biologi 2, Politikk og menneskerettar og Matematikk 1PY. Dersom erfaringane er positive, kan det bli aktuelt for skular å søkje om å nytte langtidsoppgåve i staden for tradisjonell eksamen våren 2025.
Evaluering av langtidsoppgåva blir leia og koordinert av Skrivesenteret. Tilsette på senteret har også bidrege i den faglege dialogen mellom NTNU og faggruppene som har utvikla langtidsoppgåvene. Vårsemesteret 2024 vil Skrivesenteret samle inn og analysere data om korleis langtidsoppgåva blir gjennomført i dei tre faga.
Forskerteam
Forskarteamet frå Institutt for lærarutdanning ved NTNU er:
- Gustaf Skar, professor, prosjektleiar (Skrivesenteret/ILU)
- Lise Vikan Sandvik, professor (FYSU/lLU)
- Henning Fjørtoft, professor (norskseksjonen/ILU)
- Anne Holten Kvistad, førstelektor (Skrivesenteret/ILU)
- Trygve Kvithyld, førstelektor (norskseksjonen, ILU)
- Runa Eugenie Røttereng Greiner, universitetslektor (Skrivesenteret/ILU)
- Anne Grete Heimsjø, universitetslektor (naturfag/ILU)
- Marita Byberg Johansen, universitetslektor (Skrivesenteret/ILU)
- Olav Dalsegg Tokle, universitetslektor (Matematikksenteret/ILU).
Det er Utdanningsdirektoratet som finansierer prosjektet, som strekkjer seg over inntil tre år.