Langtidsoppgåva

Utprøving av langtidsoppgåver har vore ein del av eit større arbeid Utdanningsdirektoratet har gjennomført på vurderingsfeltet. Eit viktig spørsmål i utprøvinga er om langtidsoppgåver gir elevar betre høve til å vise kompetanse i tråd med LK20, enn det dei har på ein tradisjonell eksamen. Evaluering av langtidsoppgåva har vore leidd og koordinert av Skrivesenteret og er gjennomført i samarbeid med forskarar på Institutt for lærarutdanning, NTNU.

Langtidsoppgåver vart i 2024 prøvd ut i tre fag: Biologi 2, Politikk og menneskerettar og Matematikk 1P-Y. Våren 2025 var det ei ny runde med utprøving. Utprøvinga gjaldt Engelsk 2, i tillegg til dei tre faga frå første runde. Vårsemesteret 2024 og 2025 samla og analyserte NTNU Skrivesenteret data om korleis langtidsoppgåva blei gjennomført i dei aktuelle faga.

Evalueringa viser at elevane får betre moglegheiter til å vise både breidde og djupne i kompetanse. Forskarane har derfor anbefalt Utdanningsdirektoratet vidare forsøk med langtidsoppgåve som vurderingsform.

Du kan lese meir i dei tre rapportane som er publiserte på nettsidene til Utdanningsdirektoratet:

• Delrapport 1, hovudoppdraget:
  Langtidsoppgaven som alternativ til eksamen – hva viser første utprøving? | udir.no
• Delrapport 2, om hjelpemiddel:
  Hjelpemiddelbruk i langtidsoppgaven – hvilke ressurser bruker elevene? | udir.no
• Delrapport 3, om erfaringar frå andre utprøving:
  Langtidsoppgaven som alternativ til eksamen – erfaringer fra andre utprøving | udir.no